സുൻജുവാൻ ആക്രമണം: മുഖ്യസൂത്രധാരൻ കൊല്ലപ്പെട്ടു

ജമ്മു കശ്മിലെ സുൻജുവാനിൽ സൈനിക ക്യാംപിനുനേരെ ആക്രമണം നടത്തിയതിൻറെ മുഖ്യസൂത്രധാരൻ മുഫ്തി വഖാസിനെ സുരക്ഷാ സേന കൊലപ്പെടുത്തി. ഇയാൾ ജെയ്‌ഷെ ഇ മുഹമ്മദ് ഭീകര സംഘടനയിൽപ്പെട്ടയാളാണ്.

സൈന്യവും സി.ആർ.പി.എഫും രാഷ്ട്രീയ റൈഫിൾസും സംയുക്തമായാണ് ഏറ്റുമുട്ടൽ നടത്തിയത്. സുൻജുവാൻ സൈനിക ക്യാംപിനുനേരെയുണ്ടായ ആക്രമണത്തിനു പുറമെ ലതാപൊര ഭീകരാക്രമണത്തിലും ജെയ്‌ഷെ മുഹമ്മദ് ഭീകര സംഘടനയായിരുന്നുവെന്ന് കണ്ടെത്തിയിരുന്നു. മുഫ്തി വഖാസ് പാക് പൗരനാണെന്ന് ശ്രീനഗറിലെ സൈനിക ക്യാംപ് വക്താവ് കേണൽ രാജേഷ് കാലിയ അറിയിച്ചു.