യുപി, ബീഹാര്‍ ഉപതിരഞ്ഞെടുപ്പ്; ആരംഭത്തില്‍ മികച്ച പോളിംഗ്

ബീഹാറിലും ഉത്തര്‍പ്രദേശിലുമായി മൂന്ന് ലോക്‌സഭാ സീറ്റുകളിലേക്കും രണ്ട് നിയമസഭാ സീറ്റുകളിലേക്കുമുള്ള ഉപതിരഞ്ഞെടുപ്പ് ആരംഭിച്ചു. വോട്ടെടുപ്പ് ഉച്ചയോട് അടുക്കുമ്പോള്‍ എല്ലായിടത്തും മികച്ച പോളിംഗാണ് രേഖപ്പെടുത്തിയിരിക്കുന്നത്. യുപിയില്‍ ഉപതിരഞ്ഞെടുപ്പ് നടക്കുന്ന രണ്ട് ലോക്‌സഭാ മണ്ഡലങ്ങളായ ഗോരാഖ്പൂരില്‍ 17 ശതമാനവും ഫുല്‍പൂരില്‍ 13 ശതമാനവും പോളിംഗ് രേഖപ്പെടുത്തി കഴിഞ്ഞു. ബീഹാറിലെ അരാരിയ ലോക്‌സഭാ മണ്ഡലത്തിലും ഭാബുവ, ജെഹാനാബാദ് നിയമസഭാ മണ്ഡലങ്ങളിലും വോട്ടെടുപ്പ് ഭേദപ്പെട്ട രീതിയില്‍ നടക്കുന്നതായാണ് റിപ്പോര്‍ട്ടുകള്‍.