സ്വർണ വില കുതിച്ചുയരുന്നു

സ്വർണവിലയിൽ വൻ വർധന. കേരളത്തിൽ പവന് 80 രൂപ കൂടി. ഇതോടെ സ്വർണവില പവന് 22,920 രൂപയിലും ഗ്രാമിന് 2865 രൂപയിലുമെത്തി. കഴിഞ്ഞ ഒരാഴ്ച്ചയ്ക്കിടെ മാത്രം കൂടിയത് 480 രൂപയാണ്.

അമേരിക്കയും ചൈനയും തമ്മിലുള്ള വ്യാപാര യുദ്ധം ആഗോള സമ്പദ്ഘടനയെ ബാധിക്കും.
സാമ്പത്തിക അനിശ്ചിതത്വങ്ങളുടെ വേളയിൽ സുരക്ഷിത നിക്ഷേപം എന്ന നിലയിൽ സ്വർണത്തിന് ഡിമാൻഡ് ഏറാറുണ്ട്. ഇതു തന്നെയാണ്, സ്വർണവിലയിലെ ഇപ്പോഴത്തെ വർധനയ്ക്ക് കാരണവും.

2008ലെ ആഗോള സാമ്പത്തിക മാന്ദ്യത്തിനു പിന്നാലെയാണ് സ്വർണവിലയിൽ ഏറ്റവും വലിയ കുതിപ്പുണ്ടായത്.