കടുത്ത ചൂട് ഏപ്രിലിലും തുടരും

സംസ്ഥാനത്ത് കുറച്ചുദിവസങ്ങളായി അനുഭവപ്പെടുന്ന കടുത്ത ചൂട് ഏപ്രിലിലും തുടരുമെന്ന് കൊച്ചി സർവകലാശാല റഡാർ കേന്ദ്രം. ഭൂമധ്യരേഖയ്ക്കുനേരെ സൂര്യൻ എത്തുമ്പോഴുണ്ടാകുന്ന ‘ഇക്വിനോക്‌സ്’ പ്രതിഭാസമാണ് കനത്തചൂടിന് കാരണം.

മാർച്ച് 21, 22 തീയതികളിലാണ് ഇത് സംഭവിക്കുന്നത്. അതിന്റെ പ്രതിഫലനമാണ് ഇപ്പോഴും ചൂട് നിലനിൽക്കാൻ കാരണം. ഇത് മധ്യകേരളത്തെ താണ്ടി പോകാൻ ഇനിയും ഒരുമാസത്തിലധികം വേണ്ടിവരുമെന്നും റഡാർ കേന്ദ്രം അറിയിച്ചു.