ചെങ്ങന്നൂരില്‍ മാണി യുഡിഎഫിനൊപ്പമുണ്ടാകണമെന്ന് ചെന്നിത്തല

ചെങ്ങന്നൂർ ഉപതെരഞ്ഞെടുപ്പിൽ കേരള കോണ്‍ഗ്രസ്(എം) യുഡിഎഫിന് ഒപ്പമുണ്ടാകണമെന്ന് ആഗ്രഹിക്കുന്നതായി പ്രതിപക്ഷ നേതാവ് രമേശ് ചെന്നിത്തല. തൃശൂർ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. കെ.എം.മാണിയും കേരള കോണ്‍ഗ്രസ് (എം) പ്രവർത്തകരും യുഡിഎഫിന്‍റെ ഭാഗമായി നിൽക്കുമെന്നാണ് കരുതുന്നത്. ഉപതെരഞ്ഞെടുപ്പിൽ യുഡിഎഫ് സ്ഥാനാർഥി ഡി.വിജയകുമാറിന്‍റെ വിജയം ഉറപ്പാണെന്നും രമേശ് ചെന്നിത്തല കൂട്ടിച്ചേർത്തു. കേരള കോണ്‍ഗ്രസിന്റെ പിന്തുണ ലഭിക്കാതെ ഒരു മുന്നണിക്കും ചെങ്ങന്നൂരില്‍ വിജയിക്കാന്‍ സാധിക്കില്ലെന്ന് കെ.എം. മാണി ഇന്ന്  പറഞ്ഞിരുന്നു.