ഒഡീഷയില്‍ പീഡനത്തിന് ഇരയായ പെണ്‍കുട്ടി മരിച്ചു

ഒഡീഷയിൽ, പീഡനത്തിനിരയായി ചികിത്സയിലായിരുന്ന ആറുവയസുകാരി മരിച്ചു. ഏപ്രിൽ 21നാണ് കട്ടിക്കിലെ സാലിപൂരിലുള്ള ഒരു സ്കൂൾ പരിസരത്തു നിന്ന് പെൺകുട്ടിയെ അബോധാവസ്ഥയിൽ കണ്ടെത്തിയത്. ക്രൂരമായി ആക്രമിക്കപ്പെട്ട പെണ്‍കുട്ടിയുടെ ജീവന്‍ നിലനിര്‍ത്തിയത് വെന്റിലേറ്ററിന്റെ സഹായത്തോടെയായിരുന്നു.

ജഗനാഥ്പൂർ നോഡൽ അപ്പർ പ്രൈമറി സ്കൂൾ വിദ്യാർഥിനിയായിരുന്ന പെൺകുട്ടി ഏപ്രിൽ 21ന് വൈകിട്ട് മിഠായി വാങ്ങാനാണെന്നു പറഞ്ഞ് സമീപത്തെ കടയിലേക്ക് പോവുകയും പിന്നീട് കാണാതാവുകയുമായിരുന്നു. സംഭവത്തിലെ പ്രതി മുഹമ്മദ് മുഷ്താക്കിനെ പോലീസ് നേരത്തെ അറസ്റ്റ് ചെയ്തിരുന്നു.