ഉപരാഷ്ട്രപതി ഇന്ന് തിരുവല്ലയില്‍

ഉപരാഷ്ട്രപതി എം. വെങ്കയ്യ നായിഡു തിങ്കളാഴ്ച തിരുവല്ലയിലെത്തും. ഡോ. ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പൊലീത്തയുടെ 101-ാമത് ജന്മദിനാഘോഷവും മാര്‍ത്തോമ്മാ സഭയുടെ അധ്യക്ഷന്‍ ഡോ. ജോസഫ് മാര്‍ത്തോമ മെത്രാപ്പൊലീത്തയുടെ പൗരോഹിത്യ ശുശ്രൂഷയുടെ വജ്രജൂബിലി ആഘോഷവും ഉദ്ഘാടനം ചെയ്യാനാണ്  അദ്ദേഹം എത്തുന്നത്. ഉച്ചയ്ക്ക് 12.30ന് തിരുവല്ല മുനിസിപ്പല്‍ സ്റ്റേഡിയത്തില്‍ വ്യോമസേനയുടെ പ്രത്യേക ഹെലികോപ്റ്ററിലാണ് ഉപരാഷ്ട്രപതി എത്തുക.