ദേശീയ ചലച്ചിത്ര പുരസ്‌കാര വിതരണം ഇന്ന്; രാഷ്ട്രപതി വിതരണം ചെയ്യുക പതിനൊന്ന് പുരസ്‌കാരങ്ങൾ മാത്രം

ദേശീയ ചലച്ചിത്ര പുരസ്‌കാരങ്ങൾ ഇന്ന് വിതരണം ചെയ്യും. നോൺഫീച്ചർ പുരസ്‌കാരങ്ങൾ വൈകീട്ട് നാലിന് സ്മൃതി ഇറാനി വിതരണം ചെയ്ത ശേഷം 11 പുരസ്‌കാരങ്ങൾ അഞ്ചരയോടെ രാഷ്ട്രപതി വിതരണം ചെയ്യുന്ന തരത്തിലാണ് പരിപാടിയുടെ സമയക്രമം നിശ്ചയിച്ചിരിക്കുന്നത്.

11 പുരസ്‌കാരങ്ങൾ മാത്രം രാഷ്ട്രപതി രംനാഥ് കോവിന്ദ് വിതരണം ചെയ്യാനുള്ള തീരുമാനത്തിനെതിരെ പുരസ്‌കാര ജേതാക്കൾ പ്രതിഷേധിച്ചിരുന്നു. ബാക്കി പുരസ്‌കാരങ്ങൾ കേന്ദ്രമന്ത്രി സ്മൃതി ഇറാനി വിതരണം ചെയ്യുന്നതിലാണ് എതിർപ്പ്. പുരസ്‌കാര വിതരണത്തിൽ വിവേചനം പാടില്ലെന്നാണ് പുരസ്‌കാര ജേതാക്കളുടെ വിമർശനം.