പഴനിയിൽ വാഹനാപകടം; 7 മലയാളികൾ മരിച്ചു

പഴനിയിൽ വാഹനാപകടം. അപകടത്തിൽ ഏഴ് മലയാളികൾ മരിച്ചു. ഴനിക്കടുത്ത സിന്തലാംപട്ടി പാലത്തിന് സമീപം രാത്രി 11.30 നാണ് അപകടമുണ്ടായത്, കോട്ടയം മുണ്ടക്കയം സ്വദേശികൾ സഞ്ചരിച്ച ഓമനി വാൻ ലോറിയുമായി കൂട്ടിയിടിച്ചാണ് അപകടമുണ്ടായത്.

കോട്ടയം മുണ്ടക്കയം കോരുത്തോട് സ്വദേശികളായ സജനി, ശശി, ഭാര്യ വിജയമ്മ, പേരക്കുട്ടി ആദിത്യൻ, സുരേഷ്, ഭാര്യ രേഖ, മകൻ മനു എന്നിവരാണ് മരിച്ചത്. ഇതിൽ നാല് പേർ സംഭവസ്ഥലത്തു വച്ച് തന്നെ മരിച്ചിരുന്നു. ഇന്നലെ വൈകീട്ട് 3.30നാണ് രണ്ടു കുടുംബത്തിലുള്ള എട്ടു പേരടങ്ങുന്ന സംഘം പഴനിയിലേക്ക് യാത്ര തിരിച്ചത്.