ഓടുന്ന കാറിൽ നിന്ന് കുഞ്ഞിനെ വലിച്ചെറിഞ്ഞ ശേഷം യുവതിയെ ബലാത്സംഗം ചെയ്തു

ഓടുന്ന കാറിൽ നിന്ന് കുഞ്ഞിനെ വലിച്ചെറിഞ്ഞ് യുവതിയെ കൂട്ടബലാത്സംഗം ചെയ്തു. ഡൽഹി-ഡെറാഡൂൺ ദേശീയ പാതയിലാണ് സംഭവം.

ജോലി നൽകാമെന്ന് പറഞ്ഞ് ആർ കെ മേത്ത എന്നയാൾ യുവതിയെ കാറിൽ കയറ്റിക്കൊണ്ടുപോകുകയായിരുന്നു. മേത്തയുടെ സുഹൃത്തുക്കളും കാറിൽ ഉണ്ടായിരുന്നു. മയക്കുമരുന്ന് ചേർത്ത പാനീയം നൽകിയാണ് കാറിൽ വച്ച് യുവതിയെ ഇവർ ബലാത്സംഗം ചെയ്തത്. യുവതിയോടൊപ്പമുണ്ടായിരുന്ന കുഞ്ഞിനെ റോഡിലേക്ക് വലിച്ചെറിഞ്ഞു.

കാറിൽ നിന്ന് കുഞ്ഞിനെ എറിയുന്നത് കണ്ട നാട്ടുകാർ ഉടൻ തന്നെ കുട്ടിയെ അടുത്തുള്ള ആശുപത്രിയിൽ എത്തിച്ചു. ബലാത്സംഗത്തിന് ശേഷം യുവതിയേയും അക്രമികൾ റോഡരികിൽ തള്ളിയിട്ടു. ആശുപത്രിയിലെത്തിച്ച കുഞ്ഞ് അപകടനില തരണം ചെയ്തു. യുവതിയും ചികിത്സയിലാണ്. യുവതിയുടെ പരാതിയെ തുടർന്ന് പൊലീസ് അന്വേഷണം തുടങ്ങി.

Woman Allegedly Gang-Raped In Moving Car After Her 3-Year-Old Was Thrown Out