പാക് അധീന കാശ്മീരില്‍ നദിക്കു കുറുകെയുള്ള പാലം തകര്‍ന്ന് ഏഴ് വിദ്യാര്‍ത്ഥികള്‍ മരിച്ചു
പാക് അധീന കാശ്മീരില്‍ നദിക്കു കുറുകെയുള്ള പാലം തകര്‍ന്ന് വീണ് ഏഴ് മെഡിക്കല്‍ വിദ്യാര്‍ത്ഥികള്‍ മരിച്ചു. ലാഹോര്‍, ഫൈസല്‍ബാദ് എന്നിവിടങ്ങളിലെ സ്വകാര്യ വിദ്യാഭ്യാസ സ്ഥാപനങ്ങളില്‍ നിന്നെത്തിയ മെഡിക്കല്‍ വിദ്യാര്‍ത്ഥികളാണ് മരിച്ചത്. ഒന്‍പത് പേര്‍ നദിയില്‍ ഒഴുകി പോയി. നീലം താഴ്‌വരയിലെ കാലപ്പഴക്കം ചെന്ന തടിപ്പാലത്തില്‍ നിന്ന് വിദ്യാര്‍ത്ഥികള്‍ ചിത്രങ്ങള്‍ പകര്‍ത്തവെയാണ് അപകടമുണ്ടായെതെന്നാണ് റിപ്പോര്‍ട്ടുകള്‍.
അഞ്ചു വിദ്യാർഥികളുടെ മൃതദേഹങ്ങൾ പോലീസ് കണ്ടെടുത്തു. 11 പേരെ രക്ഷപ്പെടുത്തി ആശുപത്രിയിലെത്തിച്ചു. മറ്റുള്ളവരെ രക്ഷപ്പെടുത്താൻ ശ്രമങ്ങൾ തുടരുകയാണ്. പാക് സൈന്യവും രക്ഷാപ്രവർത്തനത്തെ സഹായിക്കുന്നുണ്ട്. അതേസമയം, നദിയിലെ വെള്ളത്തിന്‍റെ കൊടുംതണുപ്പ് രക്ഷാപ്രവർത്തനത്തിനു തടസമാകുന്നുണ്ടെന്നാണു സൂചന. നാലു പേർക്ക് കയറാൻ പറ്റുന്ന പാലത്തിലാണ് ഇരുപതിലധികം വിദ്യാർഥികൾ കയറിയത്. ഭാരം താങ്ങാനാവാതെയാണു പാലം തകർന്നതെന്നാണു റിപ്പോർട്ടുകൾ.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
