കുമാരസ്വാമിക്ക് മുഖ്യമന്ത്രി സ്ഥാനം വാഗ്ദാനം ചെയ്ത് കോണ്‍ഗ്രസ്

കര്‍ണാടകത്തില്‍ ബിജെപിയെ ചെറുക്കാന്‍ ജെഡിഎസിന് പിന്തുണ നല്‍കി കോണ്‍ഗ്രസിന്റെ അവസാന നീക്കം. മന്ത്രിസഭ രൂപീകരിക്കാന്‍ കോണ്‍ഗ്രസ് ജെഡിഎസിന്റെ സഹായം ആവശ്യപ്പെട്ടതായാണ് റിപ്പോര്‍ട്ട്. കോണ്‍ഗ്രസിന്റെ വാഗ്ദാനം ജെഡിഎസ് സ്വീകരിച്ചതായും റിപ്പോര്‍ട്ടുകളുണ്ട്. ബിജെപി കേവല ഭൂരിപക്ഷത്തിന് വേണ്ട സീറ്റുകള്‍ നേടാത്ത സാഹചര്യം വന്നാല്‍ കോണ്‍ഗ്രസിന് ജെഡിഎസുമായി സഖ്യസാധ്യതകള്‍ തേടാം. സര്‍ക്കാര്‍ രൂപീകരണത്തിന് എല്ലാ സാധ്യതകളും തേടുമെന്നാണ് കര്‍ണാടകത്തില്‍ തിരഞ്ഞെടുപ്പ് ചുമതലയുള്ള കോണ്‍ഗ്രസ് നേതാവ് കെ.സി. വേണുഗോപാല്‍ പറഞ്ഞു.