യെദ്യൂരപ്പ സത്യപ്രതിജ്ഞ ചെയ്ത് അധികാരമേറ്റു
![yeddyurappa](https://www.twentyfournews.com/wp-content/uploads/2018/05/yeddyurappa-swearing-in-ceremony.jpg?x93056)
കര്ണാടക മുഖ്യമന്ത്രിയായി ബി.ജെ.പി നേതാവ് ബി.എസ്.യെദ്യൂരിയപ്പ സത്യപ്രതിജ്ഞ ചെയ്ത് അധികാരമേറ്റു. കര്ണ്ണാടകയുടെ 23ാംമത്തെ മുഖ്യമന്ത്രിയാണ് യെദ്യൂരപ്പ. കര്ണാടക രാജ്ഭവനില് വച്ചു നടന്ന ചടങ്ങില് ഗവര്ണര് വജുഭായി വാലയാണ് സത്യവാചകം ചൊല്ലിക്കൊടുത്തത്. രാജ് ഭവനില് ചെന്ന് ലളിതമായ ചടങ്ങിലാണ് സത്യപ്രതിജ്ഞ ചെയ്തത്. ഈ മാസം 29 വരെ ഭൂരിപക്ഷം തെളിയിക്കാന് യെദ്യൂരിയപ്പയ്ക്ക് ഗവര്ണര് സമയം നല്കിയിട്ടുണ്ട്. അര്ധരാത്രിയില് സുപ്രീംകോടതി തുറന്ന് നടത്തിയ വാദത്തിലാണ് യെദ്യൂരപ്പയുടെ സത്യപ്രതിജ്ഞ റദ്ദ് ചെയ്യാന് കോടതി വിസമ്മതിച്ചത്. പുലര്ച്ചെ അഞ്ചരയോടെയാണ് സത്യപ്രതിജ്ഞ ചടങ്ങ് സ്റ്റേ ചെയ്യാനോ ഗവര്ണറുടെ നടപടി റദ്ദാക്കാനോ തയ്യാറാവില്ലെന്ന് വ്യക്തമാക്കി സുപ്രീംകോടതി നടപടികള് അടുത്ത ദിവസത്തേയ്ക്ക് മാറ്റിവച്ചത്.
yeddyurappa
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here