ജേക്കബ് തോമസ് പുറപ്പെടുവിച്ച സർക്കുലറുകൾ റദ്ദാക്കി

വിജിലൻസ് ഡയറക്ടറായിരിക്കെ ജേക്കബ് തോമസ് പുറപ്പെടുവിച്ച സർക്കുലറുകൾ കൂട്ടത്തോടെ റദ്ദാക്കി. 48 സർക്കുലറുകളിൽ 36 എണ്ണവും റദ്ദാക്കി. സർക്കുലറുകൾ വിജിലൻസ് ചട്ടത്തിന് വിരുദ്ധമെന്ന് ചൂണ്ടിക്കാട്ടി വിജിയലൻസ് ഡയറക്ടർ എൻസി അസ്താനയാണ് നടപടി എടുത്തത്.

ചട്ടവിരുദ്ധമെന്ന് കണ്ടെത്തിയതിനെ തുടർന്ന് മൂന്നംഗ സമിതിയുടെ റിപ്പോർട്ട് പ്രകാരമാണ് സർക്കുലറുകൾ കൂട്ടത്തോടെ റദ്ദാക്കിയത്. ഇതാദ്യമായാണ് വിജിലൻസ് ഡയറക്ടറുടെ സർക്കുലറുകൾ കൂട്ടത്തോടെ റദ്ദാക്കുന്നത്.

വിജിലൻസ് ഡയറക്ടർ സ്ഥാനമൊഴിഞ്ഞ് അസ്താന മെയ് 13ന് കേന്ദ്ര ഡെപ്യൂട്ടേഷനിലേക്ക് പോകാനിരിക്കെയാണ് നടപടി. കേസന്വേഷണം, സോഷ്യൽ ഓഡിറ്റ്, കുറ്റപത്രങ്ങൾ എന്നീ വിഷയങ്ങളിൽ ജേക്കബ് തോമസിന്റെ സർക്കുലറുകൾ ചട്ടവിരുദ്ധമാണെന്ന് സമിതി കണ്ടെത്തിയിരുന്നു.