മധു കൊലക്കേസ്; പോലീസ് ഹൈക്കോടതിയിൽ റിപ്പോർട്ട് സമർപ്പിച്ചു

അട്ടപ്പാടിയിൽ ആദിവാസി യുവാവ് മധു കൊല്ലപ്പെട്ട കേസിൽ പൊലീസ് ഹൈക്കോടതിയിൽ റിപ്പോർട്ട് സമർപ്പിച്ചു. കേരള മനസാക്ഷിയെ ഞെട്ടിക്കുന്ന സംഭവമാണ് അട്ടപ്പാടിയിൽ നടന്നത്. ആദ്യമായിട്ടാണ് ഇത്തരത്തിലൊരു ക്രൂരകൃത്യം കേരളത്തിൽ നടക്കുന്നതെന്നും റിപ്പോർട്ടിൽ പറയുന്നു.

സംഭവം ക്രൂരവും മാപ്പർഹിക്കാത്തതുമാണെന്ന് സർക്കാർ കോടതിയിൽ പറഞ്ഞു. അഞ്ചുപേജുള്ള റിപ്പോർട്ടാണ് സമർപ്പിച്ചത്. അതേസമയം, പ്രതികളുടെ ജാമ്യാപേക്ഷ പരിഗണിക്കുന്നത് ഈ മാസം മുപ്പതിലേക്ക് മാറ്റി വച്ചു.