നിപ വൈറസ് ബാധിച്ച് മരിച്ച നേഴ്‌സ് ലിനിയുടെ കുടുംബത്തിന് 10 ലക്ഷം രൂപ ധനസഹായം പ്രഖ്യാപിച്ച് അബീർ ഗ്രൂപ്പ്

നിപ വൈറസ് ബാധയേറ്റ രോഗികളെ പരിചരിക്കുന്നതിനിടയിൽ രോഗം പകർന്ന് മരിച്ച നേഴ്‌സ് ലിനിയുടെ കുടുംബത്തിന് അബീർ ഗ്രൂപ്പ് 10 ലക്ഷം രൂപ നൽകും. അബീർ ഗ്രൂപ്പ് ഉടമയും ട്വന്റിഫോർ ന്യൂസ് ചെയർമാനുമായ ആലുംഗൽ മുഹമ്മദാണ് ധനസഹായ തുക പ്രഖ്യാപിച്ചത്.

ആതുരസേവനരംഗത്ത് പ്രശസ്തരായ അബീർ ഗ്രൂപ്പ് ലിനിയുടെ സേവനത്തിന് നൽകുന്ന ബഹുമതിയായാണ് പണം കൈമാറുന്നത്.

നേരത്തെ കേരള സർക്കാർ ലിനിയുടെ കുടുംബത്തിന് 20 ലക്ഷവും, ഭർത്താവിന് സർക്കാർ ജോലിയും വാഗ്ദാനം ചെയ്തിരുന്നു. ഇതിന് പിന്നാലെയാണ് അബീർ ഗ്രൂപ്പിന്റെ ധനസഹായം.