ഡെൻമാർക്കിൽ മുഖം മറയ്ക്കുന്ന ശിരോവസ്ത്രം ധരിക്കുന്നതിന് നിരോധനം

ഡെൻമാർക്കിൽ മുഖം മറയ്ക്കുന്ന ശിരോവസ്ത്രം ധരിക്കുന്നത് നിരോധിച്ചു. ഡെൻമാർക്കിലെ മധ്യ വലതുപക്ഷ സഖ്യ സർക്കാരാണ് ശിരോവസ്ത്രം നിരോധിച്ചുകൊണ്ടുള്ള നിയമം പാസാക്കിയത്. 30 നെതിരെ 75 വോട്ടുകൾക്കാണ് നിയമം പാസാക്കിയത്.

പൊതുസ്ഥലങ്ങളിൽ മുഖം മറക്കുന്ന രീതിയിലുള്ള ശിരോവസ്ത്രം ധരിക്കുന്നവർക്ക് പിഴയോടുകൂടിയ ശിക്ഷയുണ്ടായിരിക്കുമെന്നാണ് പുതിയ നിയമം പറയുന്നത്. ആഗസ്റ്റ് ഒന്നു മുതലാണ് നിയമം പ്രാബല്യത്തിൽ വരിക. നിയമം ലംഘിക്കുന്നവർക്ക് 1000 ക്രോനർ അഥവാ 156 ഡോളറായിരിക്കും പിഴ. നിയമലംഘനം ആവർത്തിച്ചാൽ പതിനായിരം ക്രോനെറായിരിക്കും പിഴ.