മെസിയെ പിന്തുണക്കാന്‍ അന്റോനല്ല റഷ്യയിലേക്ക്

അന്റോനല്ല റൊക്കുസോ റഷ്യയിലേക്ക്. തന്റെ പങ്കാളി ലെയണല്‍ മെസിയെ ലോകകപ്പ് മത്സരങ്ങളില്‍ പിന്തുണക്കാനാണ് അന്റോനല്ല റഷ്യയിലേക്കെത്തുന്നത്. നാളെ നടക്കുന്ന അര്‍ജന്റീനയുടെ രണ്ടാം മത്സരത്തില്‍ മെസിയുടെ കളി കാണാന്‍ അന്റോനല്ലയും കാണികളുടെ കൂട്ടത്തിലുണ്ടാകും.

ആദ്യ മത്സരത്തില്‍ അര്‍ജന്റീന ഐസ്‌ലാന്‍ഡിനോട് സമനില വഴങ്ങിയിരുന്നു. മത്സരത്തിന്റെ നിര്‍ണായക സമയത്ത് ടീമിന് ലഭിച്ച പെനല്‍റ്റി മെസി പാഴാക്കിയതിനെ തുടര്‍ന്ന് വലിയ വിമര്‍ശനമാണ് താരം വിധേയനായി. ക്രൊയേഷ്യക്കെതിരായ രണ്ടാം മത്സരത്തില്‍ അന്റോനല്ലയുടെ സാന്നിധ്യം താരത്തിന് പ്രചോദനമാകുമെന്നാണ് അര്‍ജന്റീന മാനേജുമെന്റിന്റെ വിലയിരുത്തല്‍.