അടിമാലിയിൽ ബസ് മറിഞ്ഞു

കൊച്ചി-ധനുഷ്‌കോടി ദേശീയപാതയിൽ അടിമാലിക്ക് സമീപം മച്ചിപ്ലാവിൽ സ്വകാര്യ ബസ് മറിഞ്ഞ് നാല് പേർക്ക് പരിക്ക്. ഇവരെ അടിമാലി താലൂക്ക് ആശുപത്രിയിൽ പ്രവേശിപ്പിച്ചു. ആരുടേയും പരിക്ക് ഗുരുതരമല്ല.

ഉച്ചകഴിഞ്ഞ് 3.15 നായിരുന്നു അപകടം. പണിക്കൻകുടയിൽ നിന്നും തൊടുപുഴയിലേക്ക് പോയ പിഎൻഎസ് എന്ന സ്വകാര്യ ബസാണ് അപകടത്തിൽപ്പെട്ടത്.

ലോറിയെ മറിടകടക്കുന്നതിനിടെ കാറിൽ തട്ടിയ ശേഷം ബസ് വശത്തേക്ക് മറിയുകയായിരുന്നു.