എറണാകുളം അങ്കമാലി അതിരൂപത ഭരണ നിർവ്വഹണ ചുമതല മാർ ജോർജ് ആലഞ്ചേരി ഒഴിഞ്ഞു

എറണാകുളം അങ്കമാലി അതിരൂപതയിൽ അധികാരമാറ്റം. അതിരൂപതയുടെ ഭരണ നിർവ്വഹണ ചുമതല കർദിനാൾ മാർ ജോർജ് ആലഞ്ചേരി ഒഴിഞ്ഞു. മാർ ജേക്കബ് മനത്തോടത്തിനാണ് പുതിയ ചുമതല. മാർപാപ്പയാണ് നിയമനം നടത്തിയത്.

സീറോ മലബാർ സഭ പാലക്കാട് രൂപത അധ്യക്ഷനാണ് മാർ ജേക്കബ് ആനത്തോട്. അതേസമയം, എറണാകുളം-അങ്കമാലി അതിരൂപത അധ്യക്ഷ സ്ഥാനത്ത് മാർ ജോർജ് ആലഞ്ചേരി തുടരും.

സീറോ മലബാർ ഭൂമിയിടപാട് കേസിൽ മാർ ജോർജ് ആലഞ്ചേരിയെ ഒന്നാം പ്രതിയാക്കി കേസെടുത്തിരുന്നു.
ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത്. വിശ്വാസ വഞ്ചന, ഗൂഢാലോചന എന്നിവ ഉൾപ്പടെയുളള വകുപ്പുകൾ പ്രകാരമാണ് കേസ്.