‘അമ്മ’യില്‍ സര്‍ക്കാര്‍ ഇടപെടേണ്ട: മന്ത്രി എ.കെ. ബാലന്‍

താരസംഘടനയായ അമ്മയില്‍ ഉടലെടുത്ത പ്രതിസന്ധികള്‍ പരിഹരിക്കാന്‍ സര്‍ക്കാര്‍ ഇടപെടേണ്ട കാര്യമില്ലെന്ന് സാംസ്‌കാരിക വകുപ്പ് മന്ത്രി എ.കെ. ബാലന്‍. പ്രശ്‌നപരിഹാരത്തിന് സര്‍ക്കാര്‍ ഇടപെടേണ്ട ആവശ്യമില്ല. സംഘടനയുടെ ഭാരവാഹികള്‍ മനോധര്‍മ്മം അനുസരിച്ച് പ്രശ്‌നങ്ങള്‍ക്ക് പരിഹാരം കണ്ടെത്തുകയാണ് വേണ്ടത്. ദിലീപിനെ തിരിച്ചെടുത്ത നടപടിയില്‍ പ്രതിഷേധം ഉടലെടുത്തിട്ടുണ്ട്. സംഘടന കഴിഞ്ഞ ദിവസമെടുത്ത തീരുമാനം പരിശോധിക്കണമെന്നും മന്ത്രി എ.കെ. ബാലന്‍ പറഞ്ഞു.