കാസർകോട് രണ്ടാംഭാര്യയെ ചുട്ടുകൊന്ന കേസിൽ ആദ്യഭാര്യ കുറ്റക്കാരി

ഭർത്താവിനൊപ്പം കിടന്നുറങ്ങിയ ഗർഭിണിയായിരുന്ന രണ്ടാം ഭാര്യയെ ചുട്ടുകൊന്ന കേസിൽ ആദ്യഭാര്യ കുറ്റക്കാരിയെന്ന് കോടതി. ഉപ്പളയിലെ നഫീസത്തിനെ (21) ചുട്ടുകൊന്ന കേസിൽ പ്രതിയായ ഗോവയിലെ മിസ് രിയയെയാണ് ജില്ലാ അഡീഷണൽ സെഷൻസ് കോടതി കുറ്റക്കാരിയാണെന്ന് കണ്ടെത്തിയത്.

ഭർത്താവിനൊപ്പം വീട്ടിൽ ഉറങ്ങുകയായിരുന്ന രണ്ടാം ഭാര്യയുടെ ദേഹത്ത് ജനലിലൂടെ പ്രതി പെട്രോൾ ഒഴിക്കുകയും തീപ്പെട്ടി ഉരച്ചിടുകയുമായിരുന്നു. ഉറങ്ങുകയായിരുന്നു അബ്ദുൾ റഹ്മാൻറെ ശരീരത്തിലേക്കും തീ പടർന്നു. 2011 ഓഗസ്റ്റ് 7 നായിരുന്നു സംഭവം. കൊലപാതകം, വധശ്രമം എന്നീ വകുപ്പുകളിലാണ് മിസ് രിയ കുറ്റക്കാരിയെന്ന് തെളിഞ്ഞത്. പ്രതിക്കുള്ള ശിക്ഷ കോടതി ഇന്ന് വിധിക്കും.