ജലന്ധർ ബിഷപ്പ് പീഡിപ്പിച്ചെന്ന് മജിസ്‌ട്രേറ്റിന് കന്യാസ്ത്രീ രഹസ്യമൊഴി നൽകി

രഹസ്യമൊഴിയിലും ജലന്ധർ ബിഷപ്പ് പീഡിപ്പിച്ചെന്ന് ആവർത്തിച്ച് കന്യാസ്ത്രീ. ചങ്ങനാശേരി മജിസ്‌ട്രേറ്റ് കോടതിയിൽ രഹസ്യമൊഴിയെടുക്കൽ ഏഴ് മണിക്കൂർ നീണ്ടു. രഹസ്യമൊഴി ലഭിച്ചാലുടൻ ബിഷപ്പിനെ വിളിച്ചുവരുത്തി ചോദ്യം ചെയ്‌തേക്കുമെന്നാണ് സൂചന.

പൊലീസിന് നൽകിയ മൊഴിയിൽ 13 തവണ ബിഷപ്പ് പീഡിപ്പിച്ചെന്നാണ് കന്യാസ്ത്രീ പറഞ്ഞിരുന്നത്. ഇത് രഹസ്യമൊഴിയിലും ആവർത്തിച്ചതായാണ് വിവരം. 2014 മുതലുള്ള കാര്യങ്ങളെല്ലാം രഹസ്യമൊഴിയിൽ വിവരിച്ചിട്ടുണ്ട്. ഇന്നലെ രണ്ടരയോടെ ആരംഭിച്ച മൊഴിയെടുക്കൽ രാത്രി ഒൻപതര വരെ നീണ്ടു.