ആ ബൊളിവീയന്‍ ഫോണ്‍ കോളുകള്‍ എടുക്കരുത്

ബൊളീവിയന്‍ നമ്പറില്‍ നിന്നുള്ള ഫോണ്‍ തട്ടിപ്പിനെതിരെ കേരള പോലീസിന്‍റെ മുന്നറിയിപ്പ്. +5 എന്ന് തുടങ്ങുന്ന നമ്പറില്‍ നിന്നുള്ള കോളുകള്‍ വന്നാല്‍ തിരിച്ചു വിളിക്കേണ്ടതില്ലെന്നാണ് പോലീസ് നല്‍കുന്ന മുന്നറിയിപ്പ്. ഇതുസംബന്ധിച്ചുള്ള അന്വേഷണം പോലീസ് ഹൈടെക്ക് സെല്‍ ആരംഭിച്ചതായും കേരള പോലീസ് ഫേസ്ബുക്ക് പേജിലൂടെ വ്യക്തമാക്കിയിട്ടുണ്ട്. കോള്‍ ലഭിച്ചവര്‍ ഈ നമ്പര്‍ ബ്ലോക്ക് ചെയ്യുന്നതാണ് ഉചിതമെന്നാണ് പോലീസ് പറയുന്നത്.  ഇത്തരം കോളുകള്‍ ഏതുതരത്തിലുള്ള തട്ടിപ്പിന്‍റെ ഭാഗമാണെന്ന് ഇപ്പോള്‍ പറയാന്‍ സാധിക്കില്ലെന്നും, കൂടുതല്‍ അന്വേഷണം നടക്കുകയാണെന്നുമാണ് പോലീസ് വ്യക്തമാക്കുന്നത്.

call