പി. വി. അന്‍വറിന്റെ തടയണയിലെ വെള്ളം ഒഴുക്കികളയാന്‍ ഹൈക്കോടതിയുടെ നിര്‍ദേശം

കോഴിക്കോട് വെറ്റിലപ്പാറ ചീങ്കണ്ണിപ്പാലത്തെ തടയിണയില്‍ വെള്ളം കെട്ടിനിര്‍ത്തരുതെന്ന് ഹൈക്കോടതിയുടെ നിര്‍ദേശം. കളക്ടര്‍ നിര്‍ദേശിക്കുന്ന ഉദ്യോഗസ്ഥന്റെ മേല്‍നോട്ടത്തില്‍ തടയണയിലെ വെള്ളം ഒഴുക്കി കളയണമെന്നാണ് കോടതി നല്‍കിയിരിക്കുന്ന നിര്‍ദേശം.

പി വി അൻവർ എം.എല്‍.എയുടെ ഭാര്യാ പിതാവിന്റെ ഉടമസ്ഥതയിലുള്ള ഭൂമിയിലാണ് തടയണ. കനത്ത കാലവർഷത്തിൽ മണ്ണിടിച്ചിലിനും ഉരുൾ പൊട്ടലിനും സാധ്യതയുണ്ടന്ന റവന്യൂ അധികൃതരുടെ റിപ്പോർട്ട്‌ കണക്കിലെടുത്താണ് കോടതിയുടെ നിർദേശം. അനുമതിയില്ലാതെയാണ് തടയണ നിർമിച്ചിട്ടുള്ളതെന്ന് സർക്കാർ കോടതിയെ അറിയിച്ചു. തടയണ പൊളിക്കണമെന്ന കളക്ടറുടെ ഉത്തരവ് കോടതി നേരത്തെ സ്റ്റേ ചെയ്തിരുന്നു.