പ്രാർഥിക്കാൻ താജ്മഹലിൽ പോവേണ്ടെന്ന് സുപ്രീംകോടതി

താജ്മഹൽ സമുച്ചയത്തിലെ പള്ളിയിൽ ആഗ്രക്കാരല്ലാത്തവരുടെ പ്രാർത്ഥന വിലക്കിക്കൊണ്ടുള്ള ആഗ്ര ജില്ലാഭരണകൂടത്തിന്റെ ഉത്തരവ് സുപ്രീംകോടതി ശരിവെച്ചു. ഉത്തരവിനെതിരെ താജ്മഹൽ മസ്ജിദ് മാനേജ്‌മെന്റ് കമ്മിറ്റി പ്രസിഡന്റ് സയ്യിദ് ഇബ്രാഹിം ഹുസൈൻ സെയ്ദിയാണ് സുപ്രീം കോടതിയെ സമീപിച്ചത്.

ലോകത്തിലെ ഏഴു മഹാത്ഭുതങ്ങളിലൊന്നായ താജ്മഹൽ സംരക്ഷിക്കേണ്ടതാണെന്നും ജനങ്ങൾക്കു മറ്റു പള്ളികളിൽ പ്രാർഥന നടത്താമെന്നും ജസ്റ്റിസുമാരായ എ.കെ. സിക്രി, അശോക് ഭൂഷൺ എന്നിവരടങ്ങിയ ബെഞ്ച് നിരീക്ഷിച്ചു.