ബൈക്കുകളുടെ മത്സരയോട്ടത്തില്‍ അപകടം; അഞ്ച് പേര്‍ക്ക് പരിക്ക്

മത്സരയോട്ടത്തിനിടെ ബൈക്ക് ഇടിച്ച് മൂന്ന് സ്ത്രീകള്‍ ഉള്‍പ്പെടെ അഞ്ച് പേര്‍ക്ക് പരിക്ക്. കവടിയാര്‍ – അമ്പലംമുക്കില്‍ ഇന്ന് ഉച്ചയോടെയായിരുന്നു സംഭവം. പരിക്കേറ്റവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇതില്‍ ഒരു സ്ത്രീയുടെ നില ഗുരുതരമാണെന്നാണ് റിപ്പോര്‍ട്ട്. അതിവേഗത്തിലെത്തിയ ബൈക്ക് നര്‍മദ ജംഗ്ഷനില്‍ വച്ച് റോഡ് മുറിച്ചുകടക്കുകയായിരുന്ന സ്ത്രീകളെ ഇടിച്ചു തെറിപ്പിക്കുകയായിരുന്നു. ബൈക്കോടിച്ചിരുന്ന യുവാവിനും പരിക്കേറ്റു. സംഭവത്തില്‍ പേലീസ് കേസ് രജിസ്റ്റര്‍ ചെയ്തിട്ടുണ്ട്.