കനത്ത മഴ; മലമ്പുഴ അണക്കെട്ട് നിറഞ്ഞു

കനത്ത മഴയിൽ പാലക്കാട് ജില്ലയിലെ അണക്കെട്ടുകൾ നിറഞ്ഞ് തുടങ്ങി. മലമ്പുഴ അണക്കെട്ട് സംഭരണശേഷി കടക്കാൻ ഇനി രണ്ട് മീറ്റർ മാത്രം മതി. നാല് വർഷങ്ങൾക്ക് ശേഷമാണ് ഡാം നിറയുന്നത്. 115.06 മീറ്റർ സംഭരണ ശേഷിയുള്ള അണക്കെട്ടിൽ 113.05 മീറ്റർ വെള്ളം ഇപ്പോഴുണ്ട്.

കഴിഞ്ഞ വർഷം ഈ സമയത്ത് 38 ദശലക്ഷം ഘനമീറ്റർ വെള്ളമാണുണ്ടായിരുന്നതെങ്കിൽ ഇത്തവണ ഇതിൻറെ അഞ്ച് മടങ്ങിലധികം വെള്ളം അണക്കെട്ടിലെത്തിയിട്ടുണ്ട്. 2014ലാണ് അണക്കെട്ട് ഇതിനു മുൻപ് തുറന്നത്.