കരുണാനിധിയുടെ ആരോഗ്യനില അതീവ ഗുരുതരം; എടപ്പാടി പളനിസ്വാമി സന്ദര്‍ശിച്ചു

തമിഴ്‌നാട് മുന്‍ മുഖ്യമന്ത്രിയും ഡി.എം.കെ അധ്യക്ഷനുമായ എം. കരുണാനിധിയുടെ ആരോഗ്യനില അതീവ ഗുരുതരമായി തുടരുന്നു. കരുണാനിധിയെ കാവേരി ആശുപത്രിയിലെത്തി തമിഴ്‌നാട് മുഖ്യമന്ത്രി എടപ്പാടി പളനിസ്വാമി സന്ദര്‍ശിച്ചു. ഉപമുഖ്യമന്ത്രി ഓ. പനീര്‍സെല്‍വവും കാവേരി ആശുപത്രിയിലെത്തിയിട്ടുണ്ട്. കരുണാനിധിയുടെ മക്കളായ സ്റ്റാലിനും കനിമൊഴിയും ഇപ്പോഴും ആശുപത്രിയിലുണ്ട്. ആശുപത്രിക്ക് മുന്നില്‍ തടിച്ചുകൂടിയിരിക്കുന്ന ഡി.എം.കെ അണികളോട് സംയമനം പാലിക്കാനും സ്റ്റാലിന്‍ നിര്‍ദേശം നല്‍കിയിട്ടുണ്ട്.