“ഇടുക്കി അണക്കെട്ടിന്റെ ഷട്ടറുകള്‍ തുറക്കുന്നതുമായി ബന്ധപ്പെട്ട് നുണപ്രചാരണങ്ങള്‍ നടത്തുന്നത് ഒരുതരം സാമൂഹിക ജീര്‍ണതയാണ്”: എം.എം മണി

ഇടുക്കി അണക്കെട്ടിന്റെ ഷട്ടറുകള്‍ തുറക്കുന്നതുമായി ബന്ധപ്പെട്ടുള്ള നുണപ്രചാരണങ്ങളെ തള്ളി വൈദ്യുതിവകുപ്പ് മന്ത്രി എം.എം മണി. ഇടുക്കി അണക്കെട്ട് തുറക്കുന്നതുമായി ബന്ധപ്പെട്ട് നുണപ്രചാരണം നടത്തുന്നവരെ പറ്റി ആശങ്കയുണ്ടെന്നും യാതൊരു ഉളുപ്പും കൂടാതെ നുണ പ്രചരിപ്പിക്കുവാന്‍ കാണിക്കുന്ന അത്തരക്കാരുടെ ഉത്സാഹം ഒരുതരം സാമൂഹിക ജീര്‍ണതയാണെന്നും മന്ത്രി പറഞ്ഞു.

ജലം സംഭരിക്കുവാനും സംഭരണശേഷിയോട് അടുത്ത് വരുമ്പോള്‍ അധികജലം തുറന്ന് കളയുവാനുമുള്ള എല്ലാ സജ്ജീകരണങ്ങളും സംസ്ഥാനത്തെ അണക്കെട്ടുകള്‍ക്കുണ്ടെന്നും ജലനിരപ്പ് ഉയരുന്ന സാഹചര്യങ്ങളില്‍ വെള്ളം ഒഴുക്കി കളയാനുള്ള എല്ലാ തയ്യാറെടുപ്പുകളും സര്‍ക്കാറിന്റെ ഭാഗത്തുനിന്ന് ചെയ്തിട്ടുണ്ടെന്നും മന്ത്രി ഫേസ്ബുക്ക് പോസ്റ്റില്‍ വ്യക്തമാക്കി. ഇക്കാര്യത്തില്‍ യാതൊരു ആശങ്കയും വേണ്ടെന്നും ജാഗ്രത പാലിച്ച് പെരുമാറിയാല്‍ മതിയെന്നും മന്ത്രി കൂട്ടിച്ചേര്‍ത്തു.

“ജലം സംഭരിക്കുവാനും സംഭരണശേഷിയോട് അടുത്ത് വരുമ്പോള്‍ അധികജലം തുറന്ന്
കളയുവാനുമുള്ള സുരക്ഷാസജ്ജീകരണങ്ങളുമൊക്കെ ആയിട്ടാണ് ഇടുക്കി
അണക്കെട്ടുള്‍പ്പടെയുള്ള എല്ലാ ആധുനിക അണക്കെട്ടുകളും രൂപകല്പന
ചെയ്തിരിക്കുന്നത്. ജലനിരപ്പ് ഇനിയും ഉയരുകയാണെങ്കില്‍ മാത്രമേ അണക്കെട്ട്
തുറക്കേണ്ട ആവശ്യമുയരുന്നുള്ളൂ..