Advertisement

ഇ.പി ജയരാജന്‍ വീണ്ടും മന്ത്രിസഭയിലേക്ക്

August 8, 2018
Google News 0 minutes Read
ep jayarajan

മുന്‍ മന്ത്രിയും സിപിഎം കേന്ദ്രകമ്മിറ്റി അംഗവുമായ ഇ.പി ജയരാജന്‍ വീണ്ടും മന്ത്രിസഭയിലേക്ക്. നേതാക്കള്‍ക്കിടയില്‍ ഇക്കാര്യത്തെ കുറിച്ച് ധാരണയായി. വെള്ളിയാഴ്ച സിപിഎം സെക്രട്ടറിയേറ്റും സംസ്ഥാന സമിതിയും ചേരും. തിങ്കളാഴ്ച എല്‍ഡിഎഫ് യോഗം ചേര്‍ന്ന് ഇക്കാര്യത്തില്‍ ഔദ്യോഗികമായ തീരുമാനത്തിലെത്തും. എല്‍ഡിഎഫ് യോഗത്തിന് മുന്‍പ് സിപിഎം സിപിഐയുമായി ചര്‍ച്ച നടത്തുമെന്നും റിപ്പോര്‍ട്ട്.

പിണറായി വിജയന്‍ സര്‍ക്കാര്‍ അധികാരത്തിലെത്തിയപ്പോള്‍ വ്യവസായ വകുപ്പ് മന്ത്രിയായിരുന്നു ഇ.പി ജയരാജന്‍. എന്നാല്‍, ബന്ധുനിയമന വിവാദത്തില്‍ ആരോപണ വിധേയനായതോടെ മന്ത്രിസഭയില്‍ നിന്ന് രാജിവക്കുകയായിരുന്നു. അടുത്ത ബന്ധുവിനെ ഒരു പൊതുമേഖലാസ്ഥാപനത്തിന്റെ എംഡിയായി നിശ്ചയിച്ച ഇ.പി ജയരാജന്റെ നടപടിയാണ് വിവാദമായത്. ഇതിനെ തുടര്‍ന്നായിരുന്നു രാജി. എന്നാല്‍, കേസില്‍ ജയരാജനെ വിജിലന്‍സ് കുറ്റവിമുക്തനാക്കിയതോടെയാണ് ജയരാജന് വീണ്ടും മന്ത്രിസ്ഥാനം ലഭിക്കാന്‍ പോകുന്നത്.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here