പ്രളയക്കെടുതി; ആലുവ മുങ്ങുന്നു

ദിവസങ്ങളായി തോരാതെ പെയ്യുന്ന കനത്ത മഴയിൽ ആലുവ മുങ്ങി. ആലുവ മണപ്പുറം പൂർണമായും വെള്ളത്തിനടിയിലായി. ആലുവയിൽ ദേശീയപാതയിൽ വെള്ളം കയറി റോഡ് ഗതാഗതം തടസ്സപ്പെട്ടു. പ്രദേശത്തെ ദുരിതാശ്വാസ ക്യാമ്പുകളിൽ വരെ വെള്ളം കയറി തുടങ്ങി.

കമ്പനിപ്പടി മെട്രോ സ്‌റ്റേഷന്റെ പടികൾ വെള്ളത്തിനടിയിലായി. അൽപ്പംകൂടി കഴിഞ്ഞാൽ സ്റ്റേഷനകത്തേക്ക് വെള്ളം കയറും. കൊച്ചിയിൽ നിലവിൽ മെട്രോ സർവീസ് നിർത്തിവെച്ചിരിക്കുകയാണ്.