കേരളത്തിലെ മഴക്കെടുതി; കേന്ദ്രം അടിയന്തരയോഗം വിളിച്ചു

കേരളത്തില്‍ പ്രളയക്കെടുതി രൂക്ഷമായതോടെ കേന്ദ്ര സര്‍ക്കാര്‍ അടിയന്തര യോഗം വിളിച്ചു. കേന്ദ്ര ആഭ്യന്തര മന്ത്രാലത്തിനു കീഴിലുള്ള ദുരന്തനിവാരണ സമിതിയുടെ യോഗമാണ് വിളിച്ചു ചേര്‍ത്തത്. യൂണിയന്‍ ക്യാബിനറ്റ് സെക്രട്ടറി പി.കെ സിന്‍ഹയുടെ നേതൃത്വത്തിലാണ് യോഗം നടക്കുന്നത്. അണക്കെട്ടുകളിലെയും നദികളിലെയും ജലനിരപ്പ് ക്രമാതീതമായി ഉയരുകയും ഉരുള്‍പ്പൊട്ടലുകള്‍ തുടരുകയും പലപ്രദേശങ്ങള്‍ ഒറ്റപ്പെടുകയും ചെയ്ത സാഹചര്യത്തില്‍ സംസ്ഥാനം വീണ്ടും കേന്ദ്രസഹായം തേടിയിരുന്നു.