ബിഷപ്പിനെ അറസ്റ്റ് ചെയ്യാന്‍ നിയമ തടസ്സമില്ല: കോട്ടയം എസ്.പി

കന്യാസ്ത്രീയെ പീഡിപ്പിച്ചെന്ന കേസില്‍ ആരോപണ വിധേയനായ ജലന്ധര്‍ ബിഷപ്പ് മാര്‍. ഫ്രാങ്കോ മുളയ്ക്കലിനെ അറസ്റ്റ് ചെയ്യാന്‍ നിയമ തടസ്സങ്ങളില്ലെന്ന് കോട്ടയം എസ്.പി. മുന്‍കൂര്‍ ജാമ്യാപേക്ഷ കൊടുത്തു എന്നത് അറസ്റ്റിന് തടസ്സമാകില്ലെന്നും കോട്ടയം എസ്.പി പറഞ്ഞു. ബിഷപ്പ് സുരക്ഷ ആവശ്യപ്പെട്ടിട്ടില്ലെങ്കിലും സുരക്ഷ ഉറപ്പാക്കുമെന്നും എസ്.പി ഹരിശങ്കര്‍ കൂട്ടിച്ചേര്‍ത്തു. ചോദ്യം ചെയ്യലിനായി ബിഷപ്പ് മാര്‍. ഫ്രാങ്കോ മുളയ്ക്കല്‍ നാളെയാണ് അന്വേഷണസംഘത്തിന് മുന്നില്‍ ഹാജരാകുക. അറസ്റ്റിനെ ഭയന്ന് ബിഷപ്പ് മുന്‍കൂര്‍ ജാമ്യാപേക്ഷ നല്‍കിയെങ്കിലും ഹര്‍ജി കോടതി ഫയലില്‍ സ്വീകരിച്ച് 25 ലേക്ക് മാറ്റുകയായിരുന്നു.