ഇന്ത്യ പാകിസ്ഥാന്‍ വിദേശകാര്യ മന്ത്രിതല ചര്‍ച്ചയില്‍ നിന്ന് ഇന്ത്യ പിന്മാറി

ഇന്ത്യ – പാകിസ്ഥാന്‍ വിദേശകാര്യ മന്ത്രിതല ചര്‍ച്ചയില്‍ നിന്ന് ഇന്ത്യ പിന്മാറി. കാശ്മീരില്‍ തീവ്രവാദികള്‍ മൂന്ന് പോലീസുകാരെ തട്ടിക്കൊണ്ടുപോയി വധിച്ച സംഭവത്തിന്റെ പശ്ചാത്തലത്തിലാണ് നടപടി.

വിദേശകാര്യ മന്ത്രി സുഷ്മ സ്വരാജും പാകിസ്ഥാന്‍ വിദേശകാര്യ മന്ത്രി ഷാ മഹ്മൂദ് ഖുറേഷിയും യുഎന്‍ ജനറല്‍ അസംബ്ലിക്കിടെ ചര്‍ച്ച നടത്തുമെന്നാണ് വിദേശകാര്യ വക്താവ് രവീഷ്‌കുമാര്‍ അറിയിച്ചത്. പാകിസ്ഥാന്റെ അഭ്യര്‍ത്ഥന പ്രകാരമാണ് ചര്‍ച്ചയെന്നും അദ്ദേഹം പറഞ്ഞു.

യുഎന്‍ പൊതുസഭാ സമ്മേളനത്തിനൊപ്പം കൂടിക്കാഴ്ചയും നടത്താമെന്ന നിര്‍ദേശം മുന്നോട്ടുവച്ചത് ഇമ്രാന്‍ ഖാനാണ്. ചൊവ്വാഴ്ചയാണ് യുഎന്‍ ജനറല്‍ അസംബ്ലിയില്‍ ചര്‍ച്ചകള്‍ ആരംഭിക്കുക.