“കന്യാസ്ത്രീകളുടെ സമരം ക്രൈസ്തവ സഭയ്ക്കുള്ളിലെ മാറ്റത്തിന്റെ സൂചന”: കോടിയേരി

ബിഷപ്പിനെ അറസ്റ്റ് ചെയ്യണമെന്നാവശ്യപ്പെട്ട് കന്യാസ്ത്രീകള്‍ നടത്തിയ സമരത്തെ ശ്ലാഘിച്ച് സിപിഎം. കന്യാസ്ത്രീകള്‍ നടത്തിയ സമരം ക്രൈസ്തവ സഭയ്ക്കുള്ളില്‍ മാറ്റത്തിന്റെ സൂചന നല്‍കുന്നതാണെന്ന് പാര്‍ട്ടി സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. സമരത്തിലൂടെ വ്യക്തമായത് കന്യാസ്ത്രീകളുടെ ഇച്ഛാശക്തിയാണ്. സമരത്തെ ഹൈജാക്ക് ചെയ്യാന്‍ ശ്രമിച്ച സിപിഎം വിരുദ്ധര്‍ക്കെതിരെയാണ് കഴിഞ്ഞ ദിവസം പറഞ്ഞതെന്നും കോടിയേരി വ്യക്തമാക്കി. സര്‍ക്കാര്‍ നടപടികള്‍ പ്രതിഷേധങ്ങള്‍ക്ക് വിധേയമായിട്ടില്ലെന്നും കോടിയേരി കൂട്ടിച്ചേര്‍ത്തു.