പ്രളയം കൊണ്ടുപോയി സൂസിയുടെ സ്വപ്‌നങ്ങളെ…

പ്രളയമുറിവുകള്‍ക്ക് ആഴമേറെയാണ്. പ്രത്യേകിച്ച്, ചാലക്കുടിയില്‍. നിനച്ചിരിക്കാതെയാണ് പ്രളയം ചാലക്കുടിയെ മുക്കിയത്. ജീവിതം ഇരുളടഞ്ഞവര്‍ ഏറെയാണ്. ചാലക്കുടി സ്വദേശിനി മേരി ആന്റണിയുടെ മനസ്സ് നിറയെ സംഗീതമായിരുന്നു. നിരവധി ക്രിസ്തീയ ഭക്തിഗാനങ്ങള്‍ എഴുതിയിട്ടുണ്ട് മേരി. രോഗിയായതോടെ ജീവിതവഴി മുട്ടി. മകള്‍ സൂസി വീട്ടുജോലി ചെയ്തുണ്ടാക്കുന്ന പണമായിരുന്നു ഏകവരുമാനം.

കുത്തിയൊലിച്ച പ്രളയജലം ഇവരുടെ വീടു തകര്‍ത്തു. വീട്ടുസാധനങ്ങള്‍ എല്ലാം കവര്‍ന്നു. കുട്ടികളുടെ സ്‌കൂള്‍ബാഗുകളും യൂണിഫോമും ഒഴുകിപ്പോയി. അടച്ചുറപ്പുള്ള വീടിപ്പോള്‍ സൂസിയുടെയും മേരിയുടെയും സ്വപ്‌നമാണ്.