പീഡന വിവരം മറച്ചു വച്ചു; രേവതിയ്ക്ക് എതിരെ കേസ് എടുക്കണമെന്നാവശ്യപ്പെട്ട് പരാതി

പ്രായപൂർത്തിയാകാത്ത പെൺകട്ടിയെ പീഡിപ്പിക്കാൻ ശ്രമിച്ച കാര്യം വിവരം മറച്ച് വച്ചതിന് നടി രേവതിയ്ക്ക് എതിരെ കേസ് എടുക്കണമെന്നാവശ്യപ്പെട്ട് പരാതി. ഷൂട്ടിംഗിനിടെ പ്രായപൂർത്തിയാകാത്ത പെൺകുട്ടിയെ സിനിമാ സെറ്റിൽ പീഡിപ്പിക്കാൻ ശ്രമം നടന്നെന്ന് നടി രേവതി ഇന്നലെ പത്ര സമ്മേളനത്തിൽ വ്യക്തമാക്കിയിരുന്നു. എറണാകുളം സെൻട്രൽ പോലീസിന് അഡ്വക്കേറ്റ് ജിയാസ് ജമാലാണ് കേസ് നൽകിയിരിക്കുന്നത്. ഷൂട്ടിംഗിന് എത്തിയ പതിനേഴുകാരി വർഷങ്ങൾക്ക് മുന്പ് പാതിരാത്രിയിൽ തന്റെ റൂമിലെത്തി ചേച്ചി എന്നെ രക്ഷിക്കണം എന്ന് കരഞ്ഞ് പറഞ്ഞെന്നാണ് രേവതി ഇന്നലെ പത്ര സമ്മേളനത്തിൽ വ്യക്തമാക്കിയത്. കുറ്റകൃത്യം മറച്ച് വച്ച് അതിന് കൂട്ടുനിൽക്കുകയായിരുന്നു നടിയെന്നാണ് പരാതിയിൽ ആരോപിക്കുന്നത്.