‘കോടതി വിധിക്കും വരെ ആരോപണവിധേയൻ നിരപരാധിയാണ്’; ഡബ്ലിയുസിസിക്ക് എഎംഎംഎയുടെ മറുപടി

ഡബ്ലിയുസിസി കഴിഞ്ഞ ദിവസം നടത്തിയ വാർത്താസമ്മേളനത്തിന് മറുപടിയുമായി മലയാള സിനിമാ താരസംഘടനയായ എഎംഎംഎ രംഗത്ത്. ഡബ്ലിയുസിസിയുടെ പരാതിയിൽ നടപടി വൈകിയത് പ്രളയം കാരണമാണെന്ന് സംഘടന അറിയിച്ചു.

ദിലീപ് കുറ്റക്കാരനോ അല്ലെന്നോ സംഘടന നിലപാട് എടുത്തിട്ടില്ല. ആക്രമിക്കപ്പെട്ട നടിക്ക് നീതി ലഭിക്കണമെന്നാണ് സംഘടനയുടെ നിലപാട്. മോഹൻലാലിന്റെ തലയിൽ മാത്രം ആരോപണങ്ങൾ കെട്ടിവെക്കരുത്. എല്ലാ തീരുമാനവും എക്‌സിക്യൂട്ടീവ് കമ്മിറ്റിയുടേതാണെന്നും അധികം വൈകാതെ ജനറൽ ബോഡി വിളിച്ചുകൂട്ടുമെന്നും സംഘടന അറിയിച്ചു.