ശ്രീനഗറില്‍ സൈന്യവും ഭീകരരും തമ്മില്‍ ഏറ്റുമുട്ടല്‍; ഒരു പോലീസുകാരന് വീരമൃത്യു

ജമ്മുകശ്മീരിലെ ശ്രീനഗറില്‍ സുരക്ഷാ സേനയും ഭീകരരും തമ്മില്‍ ഏറ്റുമുട്ടല്‍. ശ്രീനഗറിലെ ഫത്തേ കാഡലില്‍ ഭീകരര്‍ ഒളിച്ചിരിക്കുന്നതായി വിവരം ലഭിച്ചതിനെ തുടര്‍ന്നാണ് സുരക്ഷാസേന പ്രദേശം വളഞ്ഞ് ആക്രമിച്ചത്. ഏറ്റുമുട്ടലില്‍ മൂന്നു ഭീകരരെ സുരക്ഷാസേന വധിച്ചു. ഇതിന്റെ പ്രത്യാക്രമണത്തിലാണ് ഒരു പോലീസുകാരന്‍ കൊല്ലപ്പെട്ടത്.  സൈന്യവും പോലീസും സിആര്‍പിഎഫും സംയുക്തമായാണ് തെരച്ചില്‍ നടത്തിയത്. പ്രദേശത്ത് സുരക്ഷാ സേനയുടെ തെരച്ചില്‍ തുടരുകയാണ്.