തെരുവില്‍ ഇറങ്ങിയുള്ള സമരത്തെ പിന്തുണക്കില്ലെന്ന് വെള്ളാപ്പള്ളി

ശബരിമല സ്ത്രീ പ്രവേശനത്തിനെതിരെ തെരുവിലിറങ്ങി പ്രതിഷേധിക്കില്ലെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ പറഞ്ഞു. ഇത്തരത്തിലുള്ള സമര രീതികളെ എസ്എന്‍ഡിപി പിന്തുണക്കുന്നില്ലെന്നും വെള്ളാപ്പള്ളി വ്യക്തമാക്കി. സമരത്തില്‍ പങ്കെടുക്കേണ്ടെന്ന തീരുമാനം ഭാരവാഹികളുടെ യോഗം അംഗീകരിച്ചതായും വെള്ളാപ്പള്ളി അറിയിച്ചു. ശബരിമല സ്ത്രീ പ്രവേശന വിഷയത്തില്‍ വോട്ട് ബാങ്ക് രാഷ്ട്രീയം കളിക്കാന്‍ എസ്എന്‍ഡിപിക്ക് താല്പര്യമില്ലെന്നും വെള്ളാപ്പള്ളി കൂട്ടിചേര്‍ത്തു.