ഹർത്താലിൽ അക്രമമുണ്ടായാൽ കർശന നടപടികൾ സ്വീകരിക്കും: ഡിജിപി

ശബരിമല സ്ത്രീപ്രവേശനത്തിൽ പ്രതിഷേധിച്ച് ശബരിമല കർമസമിതി നടത്തുന്ന ഹർത്താലിനോടനുബന്ധിച്ച് വാഹന ഗതാഗതം തടസ്സപ്പെടുത്തുകയോ അക്രമങ്ങളിൽ ഏർപ്പെടുകയോ ചെയ്യുന്നവർക്കെതിരെ കർശന നടപടികൾ സ്വീകരിക്കുമെന്ന് ഡിജിപി ലോക്‌നാഥ് ബെഹ്‌റ അറിയിച്ചു.

ശബരിമല, പമ്പ, നിലക്കൽ, എരുമേലി, ചെങ്ങന്നൂർ, പന്തളം, വണ്ടിപ്പെരിയാർ എന്നിവിടങ്ങളിൽ കൂടുതൽ പൊലീസിനെ വിന്യസിച്ചു. പട്രോളിങ് ശക്തമാക്കുകയും ആവശ്യമുള്ള സ്ഥലങ്ങളിൽ പിക്കറ്റ് ഏർപ്പെടുത്താനും ഡിജിപി നിർദ്ദേശിച്ചു.