സീറോ മലബാര്‍ സഭ വിറ്റ കാക്കനാട്ടെ ഭൂമി കണ്ടുകെട്ടി

സീറോ മലബാര്‍ സഭയുടെ വിവാദ ഭൂമിയിടപാടില്‍ നടപടിയുമായി ആദായ നികുതി വകുപ്പ്. സീറോ മലബാര്‍ സഭ വിറ്റ കാക്കനാട്ടെ 64 സെന്റ് ഭൂമിയാണ് ആദായ നികുതി വകുപ്പ് കണ്ടുകെട്ടിയത്. ഇടനിലക്കാരന്‍ സാജു വര്‍ഗീസിന്റെ ഇടപാടുകള്‍ മരവിപ്പിച്ചിട്ടുണ്ട്. കാക്കനാട്ടെ സാജു വര്‍ഗീസിന് വിറ്റ ഭൂമി 3.94 കോടി രൂപയ്ക്ക് വിറ്റു എന്നാണ് രേഖകളില്‍ കാണിച്ചിട്ടുള്ളത്. എന്നാല്‍, ഈ ഭൂമി വിറ്റത് 39 കോടി രൂപയ്ക്കാണ്. സാജു വര്‍ഗീസ് 10 കോടി രൂപ വെട്ടിപ്പ് നടത്തിയതായും കണ്ടെത്തി. സാജു വര്‍ഗീസ് 10 കോടി രൂപ പിഴയടക്കണം. നടപടി താല്‍ക്കാലികമെന്നാണ് ആദായ നികുതി വകുപ്പിന്റെ വിശദീകരണം.