ശബരിമലയില്‍ അഹിന്ദുക്കളെ വിലക്കരുത്; സര്‍ക്കാര്‍ ഹൈക്കോടതിയില്‍

ശബരിമലയില്‍ അഹിന്ദുക്കളെ വിലക്കരുതെന്ന് സര്‍ക്കാര്‍ ഹൈക്കോടതിയില്‍. അഹിന്ദുക്കളെ ശബരിമലയില്‍ വിലക്കണമെന്ന ഹര്‍ജിയില്‍ നിലപാട് അറിയിക്കുകയായിരുന്നു സര്‍ക്കാര്‍. ശബരിമലയിലേക്ക് വരുന്നവര്‍ വാവരുടെ പള്ളിയില്‍ കയറി പ്രാര്‍ത്ഥിച്ചാണ് വരുന്നത്. അതിനാല്‍ തന്നെ അഹിന്ദുക്കളെ പ്രവേശിപ്പിക്കരുതെന്ന അഭിപ്രായമില്ല. ഈ കേസില്‍ മുസ്ലീം, ക്രിസ്ത്യന്‍ വിശ്വാസികളെയും കോടതി കേള്‍ക്കണം. ശബരിമലയുടെ ഉടമസ്ഥാവകാശത്തെ കുറിച്ചും വിവിധ വാദങ്ങളുണ്ട്. ക്ഷേത്രം മലയരയന്‍മാരുടെതാണെന്നും ബുദ്ധക്ഷേത്രമാണെന്നുമെല്ലാം അവകാശവാദങ്ങളുള്ളതായും സര്‍ക്കാര്‍ ഹൈക്കോടതിയെ അറിയിച്ചു.