മുഴുവൻ ശമ്പളത്തോടുകൂടി പ്രസവാവധി 26 ആഴ്ച്ചയാക്കും

പ്രസവാവധി 26 ആഴ്ച്ചയാക്കുന്നു. നേരത്തെ 12 ആഴ്ച്ചയായിരുന്ന പ്രസവാവധി 26 ആഴ്ച്ചയാക്കാൻ സർക്കാർ ഒരുങ്ങുന്നതായാണ് റിപ്പോർട്ട്. അധികമായി വരുന്ന 14 ആഴ്ചയിലെ ശമ്പളം സർക്കാർ നൽകും. 15,000 രൂപവരെ പ്രതിമാസം ശമ്പളം ഉള്ളവർക്കായിരിക്കും ഈ ആനുകൂല്യം ലഭ്യമാകുക.

ആനുകൂല്യം ലഭിക്കുന്നതിന് ഇപിഎഫ്ഒയിൽ അംഗങ്ങളായി ചുരുങ്ങിയത് 12 മാസമെങ്കിലും ആയിരിക്കണം. ഇപിഎഫ്ഒയുമായി സഹകരിച്ചായിരിക്കും പദ്ധതി നടപ്പാക്കുക.

സ്ത്രീകളുടെ ജോലി സാധ്യത വർധിപ്പിക്കുന്നതിന്റെ ഭാഗമായാണ് ശമ്പളത്തോടുകൂടിയുള്ള പ്രസവാവധിയെ കുറിച്ച് സർക്കാർ ആലോചിക്കുന്നത്.