സുധയുടെ മരണം നിപ മൂലമാകാം; മെഡിക്കൽ കോളേജ് ഡോക്ടർമാരുടെ റിപ്പോർട്ട് പുറത്ത്

റേഡിയോളജി വിഭാഗം ജീവനക്കാരിയായിരുന്ന സുധയുടെ മരണം നിപ മൂലമാകാമെന്ന് മെഡിക്കൽ കോളേജ് ഡോക്ടർമാരുടെ റിപ്പോർട്ട്. ഇന്ത്യൻ ജേർണലിൽ പ്രസിദ്ധീകരിച്ച് റിപ്പോർട്ടിൽ നിപ മൂലം മരിച്ചവരുടെ പട്ടികയിലാണ് വി സുധയുടെ പേരും ഉൾപ്പെടുത്തിയിരുക്കുന്നത്. ഈ റിപ്പോർട്ട് പുറത്ത് വന്നതിനുശേഷമാണ് സുധയുടെ മരണം നിപ കാരണമെന്ന പഠന റിപ്പോർട്ട് അന്താരാഷ്ട്ര മെഡിക്കൽ ജേർണലുകളിൽ പ്രസിദ്ധീകരിച്ചത്.

കോഴിക്കോട് മെഡിക്കൽ കോളേജ് ആശുപത്രിയിൽ നിപമൂലം മരിച്ച പത്ത് പേരുടെ പട്ടികയിൽ മൂന്നാമത്തെയാളാണ് സുധ. മരണകാരണമായി പറഞ്ഞിരിക്കുന്നത് നിപയുടെ രോഗ ലക്ഷണങ്ങൾ തന്നെയാണ്.