ഇനി പോളിംഗ് സ്റ്റേഷനുകളും പരിസരങ്ങളും പുകയില നിരോധന മേഖല

പോളിംഗ് സ്റ്റേഷനുകളും പരിസരങ്ങളും കേന്ദ്ര തിരഞ്ഞെടുപ്പ് കമ്മീഷൻ പുകയില നിരോധന മേഖലയായി പ്രഖ്യാപിച്ചു. എല്ലാ സംസ്ഥാനങ്ങൾക്കും കേന്ദ്ര ഭരണ പ്രദേശങ്ങൾക്കും ഇതിന് വേണ്ട നടപടികൾ സ്വീകരിയ്ക്കാൻ ആവശ്യപ്പെട്ട് കമ്മിഷൻ കത്ത് നൽകി. 2019 ലെ ലോക്സഭ തിരഞ്ഞെടുപ്പ് മുതൽ ഇക്കാര്യം കർശനമായി നടപ്പാക്കാൻ തിരഞ്ഞെടുപ്പ് കമ്മീഷന്റെ നിർദേശം നൽകി. എല്ലാ പുകയില ഉത്പ്പന്നങ്ങൾക്കും നിരോധനം ബാധകമാണ്. ഉത്തരവ് നടപ്പാക്കുന്നത് ഉറപ്പാക്കാൻ ബൂത്തുകളിലെ പ്രിസൈഡിംഗ് ഓഫിസർമാരെ നോഡൽ ഓഫിസർമാരായി കമ്മീഷൻ ചുമതലപ്പെടുത്തി. തിരഞ്ഞെടുപ്പ് ദിവസം പുകയില ഉത്പ്പന്നങ്ങൾ വിൽക്കുന്ന കടകളും വ്യാപാര സ്ഥാപനങ്ങളും പ്രവർത്തിയ്ക്കുന്നതിനും നിയന്ത്രണം ഉണ്ടാകും.