പേരാമ്പ്രയില്‍ മലബാര്‍ ദേവസ്വം ബോര്‍ഡ് അംഗത്തിന്റെ വീടിന് നേരെ ബോംബേറ്

മലബാര്‍ ദേവസ്വം ബോര്‍ഡ് അംഗം കെ ശശികുമാറിന്റെ വീടിന് നേരെയാണ് ബോംബാക്രമണം. ഇന്നലെ രാത്രിയാണ് സംഭവം. സ്റ്റീല്‍ ബോംബാണ് എറിഞ്ഞത്. രണ്ട് സ്റ്റീല്‍ ബോബില്‍ ഒരെണ്ണം പൊട്ടി. സംഭവം നടക്കുമ്പോള്‍ ശശികുമാറും കുടുംബവും വീട്ടിലുണ്ടായിരുന്നു.  വീടിന് കേടുപാട് പറ്റിയിട്ടുണ്ടെങ്കിലും ആര്‍ക്കും പരിക്കില്ല.  ബൈക്കിലെത്തിയ സംഘമാണ് ആക്രമണം നടത്തിയത്. പേരാമ്പ്ര പോലീസ് അന്വേഷണം ആരംഭിച്ചു. പേരാമ്പ്ര, വടകര, കൊയിലാണ്ടി എന്നിവിടങ്ങളില്‍ ഇന്നലെ മുതല്‍  സംഘര്‍ഷം തുടരുകയാണ്. വന്‍ പോലീസ് സംഘം ഇവിടങ്ങളില്‍ ക്യാമ്പ് ചെയ്യുന്നുണ്ട്.