തലശ്ശേരിയില്‍ നിരോധനാജ്ഞ

തലശ്ശേരിയില്‍  നിരോധനാജ്ഞ പ്രഖ്യാപിച്ചു. തലശ്ശേരി- ന്യൂ മാഹി പൊലീസ് സ്റ്റേഷന്‍ പരിധിയിലാണ്  നിരോധനാജ്ഞ പ്രഖ്യാപിച്ചത്.നാളെ വരെയാണ് നിരോധനാജ്ഞ. ഇവിടെ കഴിഞ്ഞ നാല് ദിവസമായി സംഘര്‍ഷാവസ്ഥ തുടരുകയാണ്. കഴിഞ്ഞ ദിവസം സമാധാന യോഗം നടക്കുമ്പോഴും ഇവിടെ കല്ലേറുണ്ടായിരുന്നു. ഇതിന്റെ പശ്ചാത്തലത്തിലാണ് നടപടി. കടകള്‍ക്ക് നേരെയും ആക്രമണം ഉണ്ടായി.  കണ്ണൂര്‍ ജില്ലയില്‍ സംഘ‍ർഷങ്ങൾക്കിടയാക്കുന്ന പ്രകോപനങ്ങളൊഴിവാക്കാൻ രണ്ട് ദിവസത്തേക്ക് പ്രകടനങ്ങൾ പാടില്ലെന്ന് സമാധാനയോഗത്തിൽ തീരുമാനമയായിട്ടുണ്ട്.