സിവിസി റിപ്പോര്‍ട്ട് പരിഗണിച്ച് ഉന്നതസമിതി

സിബിഐ ഡയറക്ടര്‍ അലോക് വര്‍മയ്‌ക്കെതിരായ ആരോപണത്തില്‍ കേന്ദ്ര വിജിലന്‍സ് കമ്മീഷന്റെ (സിവിസി) റിപ്പോര്‍ട്ട് ഉന്നതസമിതി പരിഗണിച്ചു. പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന യോഗമാണ് റിപ്പോര്‍ട്ട് പരിഗണിച്ചത്. യോഗം അരമണിക്കൂറോളം നീണ്ടുനിന്നു. പ്രതിപക്ഷ നേതാവ് മല്ലികാര്‍ജുന ഖാര്‍ഗെയും സുപ്രീം കോടതി ജഡ്ജി എ.കെ സിക്രിയും പങ്കെടുത്തു. അലോക് വര്‍മയ്ക്ക് പറയാനുള്ള വിശദീകരണം കേള്‍ക്കണമെന്നും ഖാര്‍ഗെ ആവശ്യപ്പെട്ടു. അതേസമയം, യോഗത്തില്‍ വ്യക്തമായ തീരുമാനത്തില്‍ എത്താന്‍ സാധിക്കാത്തതിനാല്‍ സമിതി വ്യാഴാഴ്ച വീണ്ടും യോഗം ചേരും. ചൊവ്വാഴ്ചയാണു സിബിഐ ഡയറക്ടര്‍ സ്ഥാനത്തുനിന്ന് അലോക് വര്‍മയെ നീക്കിയ കേന്ദ്ര സര്‍ക്കാര്‍ നടപടി സുപ്രീം കോടതി റദ്ദാക്കിയത്.